Fleire fine langturar på og ved Jostedalsbreen til neste helg

[distriktsvenleg]

For alle som drøymer om lange turar i to nasjonalparkar vert det langtur-spesial under årets brefestival i Jostedalen.

Torsdag 2. juni – Ukjende perle på breen: Storenosi. Vêr med kjentmann og Tindevegleder Jostein Aasen frå Norgesguidene til ein av hans yndlingstoppar på Jostedalsbreen. Ein spesiell tur til ein topp svært få har vore på nord på Jostedalsbreen.

Fredag 3. juni – Krundalen rundt på ski. Skitur rundt fagraste u-dalen i verda, med tindevegleder og krundøl Steinar Bruheim frå Jostedal Breførarlag.

Laurdag 4. juni – Vangsen spesial, ”Åttetalsturen”. Vangsen frå ei heilt ny side med førar Bjørnar Bjørhusdal frå Fimbul Jostedal. Ein lang tur med fleire sjeldne nedkøyringar.

Søndag 5. juni – Breturen du drøymer om. Usedvanleg bretur opp brefallet til Nigardsbreen med mannen som kanskje kjenner han aller best, Steinar Bruheim frå Jostedalen Breførarlag. Oppmøte: Breheimsenteret kl 10.

Det vil og bli aktiviteter for ungane kvar dag med brevandring, klatring og buldring og tur med SNO for å leite etter spor etter bjørnen.

heile programmet: http://brefestivalen.no/program