rotvelt

Eg må til fjells. Gjerne ei lita veke. Femundsmarka kjenner eg berre perifert; eg har aldri vore på austsida av Femunden. Eg ønsker å gå langt og gjerne fiska litt. Overnatting vil skje i telt. Eg bur i Trondheim og reiser kollektivt. Gode ruter, anyone? Takk for alle tips!

Sykkelvogn er mykje tryggare, iallfall.

Real turmat til frukost er tøys, men middagsprodukta deira kan vera greie å ha med. Bra turmat havregryn ris (i fall du må spara på brennstoff: hurtigris) instant potetstappe posesuppe smør/rapsolje (maks kaloriinnhald per vekt, dessutan er det bra å ha i seg litt feitt) ost (alltid godt, dessutan kaloririkt) tørrfisk spekepølse nøtter tørka frukt sjokolade kjeks (men unngå alle variantane med herda feitt) fersk frukt (tungt, men fint å eta i samanheng med proviantering) kaffe (alltid kaffe)

Eg sykla også på Island i sommar, med ein Burley Nomad. (Nomad-en er forresten til sals for ein billig penge no.) Hengar er kjempepraktisk: Du har all bagasjen veldig lett tilgjengeleg. Burley Nomad er dessutan super på gode vegar. Utforkøyringane kan køyrast ekstremt hardt utan at hengaren påverkar sykkelen i særleg grad. På dårleg veg og på sti er det kanskje litt betre med vesker (ev. ein hengar med berre eitt hjul).

Det stemmer. Eg har handla der mange gonger – nesten alltid med gode erfaringar. Prisane er stort sett greie. Godt utval har dei også.

Det såkalla forsvaret lever jo av destruktiv atferd.

Når vêret ikkje innbyr til å laga maten ute, hender det støtt at eg fyrer opp primusen inne i forteltet. Etter kvart får ein jo rimeleg god kontroll både med kor høg flamme som oppstår under forvarming og med justering under kokeprosessen. Så lenge luftinga er god og flammen er blå, innbiller eg meg at faren for å bli forgifta er nokså liten. Men kor går grensa? Når blir det farleg å fyra i telt? Eg ser for meg at dette er eit område der ein ikkje bør «prøva seg fram».

Sjølv ønskjer eg meg ein skikkeleg touringsykkel: ramme som er eigna til å montera bagasjeberarar på, terrengsykkelkomponentar og landevegsstyre. Surly Long Haul Trucker finst å få ferdig bygd.

Mekketips finst på heimesidene til Park Tool eller, forklart på norsk, i Mekkeboka av Rasmus Leiro.

Dette vil ikkje vera sant om gaffelen har passe lengde, jf. over.

Ah. Eg har forresten ein gammal stålgaffel liggjande. Fabrikat: Tange; farge: svart; lengde: 413 mm; bremsefeste: berre felgbrems; tilstand: godt brukt

Liten grunn til å bruka mange tusenlappar på ein karbonfibergaffel når stål kan gjera jobben. Kanskje kan du finna ein brukt stålgaffel, f.eks. på terrengsykkel.no. Eventuelt kan du kjøpa noko frå cyclecomponents.com e.l. Pass på: - at gaffelen passar til den typen bremser sykkelen din har - at gaffelen er passe lang (avstand frå aksling til "krone" vil typisk vera 410-440 mm på ein gaffel som skal erstatta ein dempegaffel med 80-100 mm vandring) Bytte er av gaffel er enkelt å gjera sjølv. Sjekk f.eks. Park Tool sine nettsider. Det einaste som kanskje krev ein tur til den lokale sykkelbutikken, er demontering og montering av den nedre ringen til styrelageret.

Sykling i tunellar er vel eigentleg meir ubehageleg enn farleg. Godt lys, refleksar, øyreproppar og litt f...skap er det som trengst.

To Helsport-telt: Nordmarka Arctic 3 Camp - billig og veldig bra heilårstelt, kjøpt på XXL for nokre år sidan. Lufting (pga. stormmattene) og vekt er dei einaste kompromissa. Stetind 1 - lett og minimalistisk. På dei fleste vis er eg godt fornøgd med dette teltet, men fordi eg treng noko der innerteltet kan brukast aleine, skal eg bytta det ut med noko anna.

Ein hengar du kan vurdera, er polske Extrawheel. Dette er truleg det alternativet som handterer vanskeleg terreng aller best. Mellom Røra (nord for Verdal) og Trondheim bør du absolutt sykla over Fosen (nordsida av fjorden).

Fin tur. Ikkje lytt til dei som klagar på naturen og seier at det er keisamt. Sykla Nittedal-Rena-Røros-Trondheim (i overkant av 20 mil om dagen på racer) i fjor vår. Ikkje heile ruta di, altså, men med overlapp på strekninga Røros-Elverum. Frå Røros til Tolga følgjer du hovudvegen (riksveg 30). Mellom Tolga og Tynset går det ein mindre trafikkert veg parallelt med hovudvegen, på andre sida av elva og jernbanen. Frå Tynset og sørover vil eg sterkt tilrå at du syklar gjennom Rendalen (stadig riksveg 30). Når du kjem til Åkrestrømmen, bør du ta austsida av Storsjøen. Ikkje rot deg inn på riksveg 3 når du når Rena. Hald deg til parallellvegen austom. Asfalten er dårlegare, men alt i alt får du ein mykje trivelegare tur. God tur! Sykling (og gåing, samt soving) er livet.

Burley Nomad i Trondheim. Send PM.

Takk. I mellomtida har eg snakka med vegvesenet. Dei stadfestar at det er asfalt, ja. Spørsmålet no er korleis vêret blir. Eg køyrer ganske minimalistisk på denne gongen, så blir det snø, feigar eg ut og legg turen om Støren i staden.

Neste helg har eg ein plan om å sykla frå Nittedal til Trondheim på racersykkel. Ruta går truleg heilt aust i landet, gjennom Trysil, forbi Femunden og til Røros. Frå Røros tenkjer eg å ta riksveg 31 til Brekken og så sykla over fjellet, gjennom Tydal og ned riksveg 705 til Selbu og Stjørdal. I og med at eg bruker sykkel med smale dekk, kunne det vera greitt å vita litt om vegstandarden over fjellet. Er det asfalt mellom Brekken og Tydal, for eksempel?

Bør ein generelt velja lengda på fjellski ut frå kor lang eller kor tung ein er? Ifølgje nettsidene til Åsnes skal eg – med kroppslengda (178 cm) som utgangspunkt – ha ski på 195 cm. Dersom eg tar utgangspunkt i vekta (68 kg) i staden, er tilrådinga 190 cm. Kva blir det rettaste?