Skal bare...

Dersom opplasting av fil fungerer, skal det vera gpx-fil med alle turisthytter frå N50 (kilde: https://kartkatalog.geonorge.no/metadata/n50-kartdata/ea192681-d039-42ec-b1bc-f3ce04c189ac ) turisthytter.gpx

Utan at eg kjenner ut.no, men eg vil tru det er desse løypene som er brukt av ut.no: https://kartkatalog.geonorge.no/metadata/tur--og-friluftsruter/d1422d17-6d95-4ef1-96ab-8af31744dd63

Strikkane i det 12 år gamle vinterteltet mitt, er like fin. Men eg kjøpte ei ny stang for 2 år sidan, med litt mørkare farge. Strikken i den nye stanga, som eg fortsatt kan identifisere ettersom farga er bittelitt mørkare, var smuldra opp totalt sist påske. Strikken hang bare saman av strømpa, og fungerte derfor dårleg som strikk. Dei som har ein slik strikk i teltstanga si, forstår det med ein gong. Eg hadde tenkt å finne ein annan strikk sjølv, men ettersom dette teltet bare vert brukt vintertid, hadde eg ikkje gjort noko med det. Når dette kom opp no, fekk eg tilsendt ny strikk, så all honør til Hilleberg for servicen.

Snø er det nok av, så det er ingen problem. Sjølv om det vert tidleg mørkt, er det likevel mange timar med lys, dersom du nyttar dagen. Isen kan derimot vera litt lumsk så tidleg på sesongen, så ver forsiktig i forbindelse med kryssing av vatn, særleg i nærleiken av osar.

Med tanke på at effekten ein kan få på brennaren er avhengig av trykk, og trykk er avhengig av temperatur (i boksen, ikkje nødvendigvis i lufta rundt), finnst det ikkje nokon bestemt temperaturgrense for når gass ikkje fungerer. Det fungerer dårlegare og dårlegare jo lågare temperaturen er, og med ein toppbrennar, vil temperaturen i boksen avta ganske raskt ved bruk. Ein brennar med pumpe og parafin eller bensin på tanken, vil fungere med full effekt uansett temperatur (så lenge pakningar held tett og brennstoffet held seg flytande). Ja, ein slik brennar kostar ein del meir, men drivstoffet er billegare. Sjølv om det går ann å få ein gassbrennar til å fungere i kulda, ville eg aldri reist på vintertur, der eg er avhengig av å smelte snø for drikke og matlaging, med bare ein gassbrennar.

Og likevel forventer du eg skal finne ein skitur over polhavet i vintermørkret nyttig og at eg skal vera imponert over dei som gjer turen. Eg må bare beklage, men eg ser ikkje kvifor eg skal det…

Heilt riktig. Men sjølv om eg ikkje ser nytten i noko og på toppen av det, ikkje vert imponert, kan jo andre både sjå nytte i det og la seg imponere. Folk er forskjellige, og å innsjå det, kan vera eit veldig godt utgangspunkt for å forstå at ikkje alle har dei same ideala.

No vart eg litt forvirra her. Har eg stilt noko spørsmål?

Nei, eg har på ingen måte satt meg inn i slitet dei har vore gjennom, fordi det ikkje bryr meg. 3 månader på tur over polisen i polarnatta seier seg sjølv at ikkje er nokon enkel tur, og du må ikkje missforstå meg slik at du trur at eg eplekjekt trur eg kunna gjort turen sjølv, for det kan eg sjølvsagt ikkje. Eg er fullt klar over at det er ein tur som svært få, truleg ingen andre, er i stand til å gjennomføre. Greia er nok at me har litt ulike syn på kva som skal til for å bli imponert. Folk som gjer unyttige ting eg ikkje forstår poenget med, imponerer meg ikkje, sjølv om det er hinsides kva eg sjølv er i stand til å prestere. Folk som gjer nyttige ting, kan derimot imponere meg, uavhengig av om eg sjølv er i stand til å gjera det same.

Eg forstår verkeleg ikkje kvar du vil med det spørsmålet. Når eg går på Hardangervidda, er det heilt og fullt for min eigen del. Det kan på ingen erstattast av at nokon går over polisen vintertid. Eg går ikkje tur på Hardangervidda for å imponere nokon som helst, ikkje meg sjølv heller. Eg forventar ikkje at nokon skal bry seg om mine turar, like lite som eg bryr meg om andre sine turar. Så eg forstår ikkje kva glasshus eg eventuelt kastar stein i. Utan den medieskapte dramatikken desse siste dagane, hadde eg ikkje visst om denne polisturen. Dersom einaste målet med turen var å imponere, var det i så fall på høg tid å få litt medieblest…

Det er stor forskjell på ikkje vera imponert, og å la seg irritere. Eg er heller ikkje imponert over prestasjonen, og eg lar meg heller ikkje irritere over at egoistar går over polisen eller Grønlandsisen. Det bryr meg rett og slett ikkje ettersom eg ikkje ser poenget med turane deira.

Eg vil seie at materialet ikkje er eigna. Tre og aluminium frys fast i snøen. Og i alle fall med tre, har lengda vore god nok for meg (eg har riktignok ingen erfaring med laus skogssnø, kun fast snaufjellsnø). Plastikken i desse pluggane vil ikkje fryse fast i snøen, og då må du i så fall ha meir lengde for at det skal fungere. Nokon skriv også om å bruke brøytestikker av plast (eg har ikkje prøvd dette), då noko lenger, og grave ned med feste i midten. Det fungerer truleg godt i laussnø, men kan vera litt meir arbeid når det er fast. Men det er jo bare i stikke ut i snøhaugen og prøve.

Dersom det er plass til å dra knuten gjennom stanga. Det er ikkje alle stenger som er så romsleg innvendig.

Utan å ha prøvd, kan eg tenke meg at glassfiberstenger ikkje er like glatt innvendig, og det derfor er langt vansklegare å få skuvd strikken igjennom… I glatte aluminiumstenger er det i alle fall veldig enkelt.

Me er alle forskjellige. Eg er imponert over at nokon synest det er enkelt å fjerne rasket frå borrelåsen. For meg er borrelås kun pest og plage. I tilleg til å ikkje fungere, er det ei plage fordi det fester seg til alt det ikkje skal feste seg til.

Eg forstår at det er ulike erfaringar med borrelås. Mine dårlege erfaringar med borrelås er knytt til alt anna som også festar seg i borrelåsen, alt frå reinmose til ullsokkar. Og der kan eg ikkje sjå at borrelås av høg kvalitet er betre, heller verre. På gamasjar for vinterbruk, er snø det største problemet, det er heldigvis forbigåande ettersom det bare er å smelte snøen og tørke gamasjane. Så lenge ein ikkje åpnar gamasjane ute, er ikkje snøen heller noko problem. Dersom ein er pinleg nøye med håndtering og oppbevaring av gamasjane, kan det godt vera at dei kan fungere over tid, men for min del er det heilt uaktuelt. Då er det betre med gammasjar som ikkje kan åpnast på langs.

Beklagar feilstaving av særnavn. Gjerdesagen er det riktige. https://www.gjerdesagen.no/ Ja, av tre, rester av lekter som låg rundt same saga.

Eg ville i alle fall aldri kjøpt gamasjar med bare borrelås. Det er garantert kort levetid.

Eg har laga mine eigne snøpluggar på Gjerdesaga. ca 25cm lange, firkant i tverrsnitt og topp som vanlege pluggar. Eg har alltid med meg slike pluggar til alle festepunkta på teltet. Dei har fungert for meg, men eg har aldri brukt dei nedi skogen, kun på fast snaufjellsnø. Dei frys fast til snøen etter kort tid, så eg må stort sett stikke spaden nedimellom for å få dei laus att. Det største problemet eg har møtt på, er å få dei nedi hard snø. Klok av skade, har eg byrja å ha med ein vanleg, kraftig plugg til å lage hol med, dersom det er harde forhold. Med den til lage eit hol, fekk eg ned kvar einaste plugg også i påska i år. Utan den, hadde eg vel ikkje fått ned ein einste ein av snøpluggane mine. Det hender toppen knekk av, så dei er ikkje evigvarande.

Eg er også tilhengar av at ting er enkelt og funksjonelt. Derfor har eg mat og tilhøyrande kjøkkenting (unnateke kokeapparat, parafin og snøsmeltekjele) i 2 kasser stabla på kvarandre bakerst i pulken. Desse kassene smett akkurat nedi pulken og fyller heile pulkens breidde, og gjer derfor at eg får nytta plassen maksimalt. Resten er plassert etter tetris-prinsippet, med kvar sin faste plass i resten av pulken. Det er eit nært forhold mellom korleis pulken er pakka og korleis rutinene er i leiren. Den eine kassa, matkassa, inneheld bare slikt som skal brukast resten av turen, slik at det bare er den andre kassa, kjøkkenkassa, eg treng tilgjengeleg om kvelden, og denne vert då plassert ved kjøkkenplassen, altså rett innanfor åpningen, i teltet. Om morgonen pakkar eg om maten for neste kveld frå matkassa til kjøkkenkassa. Om lag samtidig fyller eg også tanken på kokeapparatet, slik at alt er klart når teltet er satt opp att på kvelden.

Det ser ut til at du har ei flamme rett over forvarmingsskåla, det skal du ikkje ha utanom når du forvarmar. I så fall har du truleg ein lekasje. Dersom pakningane er nye, må du truleg stramme litt meir mellom stigerøyret og brennaren. Stram litt i gongen og prøvefyr att heilt til det er tett. Gratulere med ein bra brennar, ein av mine absolutte favorittar.