Oddvar

Akkurat da var det alle folka, ja. Men eg var ikkje bunden til noko taulag for å returnere til Spiterstulen, så etter ein halv time var eg ganske aleine om å nyte utsynet frå Piggen, og det gav meg den gode fjellkjensla. Men å sitja på toppen når alle skal ringe til slekt og vener for å fortelja at no er dei på Noregs høgaste topp, ellers takk..

Glittertind... Mitt fyrste fjell over 2000. Fordi på netthinna sat bilete av breen og linjene frå eit utall naturfoto. Ser ein gjennom kameralinsa, er det Glittertind som har linjene og snøen og kontrastane det er verdt å bruke film på... Var på Galdhøpiggen dagen etter på same tid som brelaga frå Juvvasshytta kom. Topp-punktet var som eit fuglefjell, og hytta på toppen gav meg ikkje heilt villmarks kjensle. Og det at høgda på Glittertind varierar med snømengda, gjer den enda meir spesiell. Er snøbreen framleis høgare enn Galdhøpiggen?

Ski i container er ingen flau ting. Køyrde forbi ein container i eit hyttefelt i Valdresfjella for to år sidan, der nokon hadde rydda hytta, og antageleg ikkje hadde hatt hjarte til å pælme alle skipara oppi containeren, og derfor satt dei utanfor. All ære til dei for det. Deriblant eit godt gamaldags turlangrenn par av Birkebeinertreski, som eg kjøpte nye bindingar til, og har flittig benytta på tørrsnøføre i to vintrar. Kva gjer vel betre kjensle enn lakkert treverk som skjer seg gjennom puddersnø i solskinn... Likefullt har eg enno ikkje klart å knekke mine bambusstavar som vart kjøpt på ein loppemarknad mange år sidan. Men denne diskusjonen har gått på glid på skia, og må vel innrømme at glien på treski ikkje er all verden. Men festet er topp, blir ikkje bakglatt, sjølv utan smørning... Dette for å nøre litt under nostalgien...

Eg har manuell BC-binding på fjellskia mine, og den er noko enklare å reinske enn automatisk. Men det var på desse eg måtte helle kaffi for å få av støvelen i 15 minus og fokksnø... Men for to år sidan plukka eg opp eit par Birkebeiner treski frå ein container i Valdres som eg utstyrte med automatiske BC- bindingar. Og overvatn og puddersnø i kombinasjon med treski og BC-bindingar, er vel ikkje det beste... Så når eg snart må bytte fjellski, blir det nok 75mm løysinga, gjerne i samband med vaier rundt hælen?? Og om ein BC- binding ryk langt inni fjellet, korleis skal ein nødfeste støvelen på skia? Tips her er slik venninna mi gjorde då skrufestet på 75mm bindingen rauk øverst i Leirungsdalen i påsken. Tjukk brei pakketape rundt ski og støvel, gav litt dårleg gli tilbake til Valdresflya. men ei fullt brukande nødløysing..

Ved bruk av slike bindingar i sterk kulde og snøfokk har eg opplevd å ikkje få løyst ut støvelen. Mi løysing var å ofre kaffien for å tine bindingen. I dag kom eg over Strandavatn der det var noko overvatn som gjorde at skoa sat som spikra reisten av skituren heilt til ei fjellstue der eg kunne ta av støvlane og tine alt innandørs. Kva gjer ein då ved ein ekstrem situasjon, for å grave snøhole??? Eller å måtte ta av ski for ein toppbestigning. Og kva med å plundre med bindingar i streng kulde og vind. I dag med 3 kuldegrader og vindstille gjekk det greitt å plundre utan votter i eit kvarter før støvelen fekk feste på skia... Trur eg går attende til den vanlege Rottefella for fjell skiløyping utanfor preparerte løyper. Andre som har dårlege erfaringar eller tips. Kva med låsspray?

Mitt fjell, Hallingskarvet, manglar 67 meter på å koma i 2000-metersklubben. Men fjellkjensla er den same når eg står på toppen og skodar mot storebrødrene der nord i Jotunheimen. Faktisk vart eg over 40 år før eg karra meg over 2000- meters grensa på veg til Glittertind ein iskald sommardag i 1997. Og siste var vel Høgronden i sumar.

Oppstigningfra kvistaløypa gjennom Folarskaret ved vatn 1403 sør for Lordehytta er svært bratt, og kan vera vanskeleg på hardt føre. Utover i april og mai med blautare føre går det fint. På ein godværsdag er det fullt mogeleg å gå frå Geiterygghytta gjennom Kyrkjedøri og forbi Kyrkjedørsnuten og over dei slake toppane oppe på Skarvet, med fantastisk utsikt over Ljøtebotnane.

Men er du fyrst kome til Kyrkjedørsnuten og ser ned mot Kyrkjedørsvatnet og Ljøtebotnane, skal du renne ned snøfonna aust for Kyrkjedørsnuten og inn i det vakraste området i Hallingskarvet, snøbrear omkransa av fargerike svaberg rundt på alle kantar. Og lengst sør i vatn 1516 i