Gustav_1

Å ta ei veke åleine på fjellet er topp. Det å kunne stole på seg sjølv, egne beslutningar basert på erfaring, gå i eige tempo og ellers styre dagen sjølv er veldig gjevande. Dette utviklar personlegdommen og sjølvtilliten. Du har mykje å tilføre felleskapet etter ein slik tur - garantert

Grattis med nye flotte sider Fantastiske bilder og turrapport frå Vidda...Det er berre å misunne turopplevelsen. Imponerande psyke og vilje du har!

Flott 3-4 timars føremiddagstur til Toreheia 713 moh rett opp frå fjorden og døra mi i Stongfjorden i går! (Fordelen med å bu landleg til, er å sleppe å bruke heile helga på å reise på fjelltur:-)) Det er lite snø i høgda her ute ved havet, så toppane på 700-900 moh er greie å ta til fots. Dvs.greie og greie - lite smart å ha isbroddane (Icer;s) hangande på veggen i kjellaren heime når det er is i høgda. Det var sjølvsagt ein generaltabbe å ikkje ta dei med... For er det noko som er sikkert ved å gå i fjellet på vestlandskysten om vinteren, er at du treng isbroddar og i værste fall stegjern til å nå toppane...! Det var difor på hekta at eg kom meg opp på Toreheia i går. Mykje og sterk austavind har polert sør/austhellingane til reine skøyteisen og det var med naud og neppe eg tok sjansen på siste skaret opp...! Eg sigla skikkeleg 5-10 meter på isen eit par gonger i oppstigninga og det er ikkje moro når steinar stikk opp av isen/skaren på ferda nedover på ræva...Men eg fann ein kam som var delvis dekt av is og stein og då kom eg meg opp. Nedatt på vestsida gjekk det betre då her låg ein del fokksnø. Det er flott utsikt mot havet i vest frå Toreheia. Du ser bl.a Alden (Den norske hesten) og øyane i Florø. I sør ser du Skålefjellet, Moldura, Vardenova og Portafjellet. Austover er det sjølvsagt Blegja, Kvamshesten og ryggane til N- og S-Kringla, Fossedalshengenipa og Markahengenipa som fangar auga. I nord ser du Florø og Ålfotbreen. Dårleg/flatt lys gjorde det dessverre vanskeleg å fotografere....

Området er berre kjempe....! Har sett litt geografiske betegnelsar på bilda. Treng du meir info er eg lommekjent

Bilder frå flott tur til "Nipebu" i Askvoll med overnatting frå 1002-1102. http://www.turistforeningen.no/turplanlegger/cabin.php?ca_id=452&x=3&y=9&v=3 Turen starta i Rivedal laurdagsmorgonen. Sola spegla sine første raude stråler på Dokka og Bakkefjellet og vitna om ein fantastisk gryande dag då eg parkerte der nede i 09 tida.Temperaturen viste minus 6,5 grader i Stongfjorden då eg reiste. Sola dukka opp over fjella sør om Flekkefjorden i 0915 tida då eg var på veg opp til demma på kraftstasjonen i Rivedal. Innover Vagstaddalen forsvann sola igjen bak Heileberget. Kuldegradene og trekken reiv i kjakane timen det tok før eg fekk sola igjen ved vestenden av Atlevatnet. Her er det ei fantastisk utsikt då landskapen opnar seg heilt opp igjen austover mot Blegja, Ertrenipa og Kringla. Vel framme ved "Nipebu" viste det seg at det var svært vanskeleg å komme seg inn. Låsen var totalt frosen og nøkkelen var umogeleg å få inn i låsen. Men etter ei stund med varm pust kom eg meg inn. Gradestokken viste minus 8 i hytta, så her var det berre å opne alle glas og fyre opp. "Nipebu" fekk ein særs flott julepresang i år, nemleg ein gassovn. Denne er svært effektiv. Ilag med god bjørkeved på ovnen var det ikkje lenge før temperaturen spratt i veret. Etter nokre raske skiver bestemte eg meg for å ta skituren opp på Markahengenipa. Det er suveren utsikt frå denne toppen. Du har panoramautsikt i alle himmelretningar og ser m.a. fjella Ertrenipa, Blegja, Kringla, Kvamhesten, Fossedalshengenipa, Heileberget og alle fjella vestover og nordover mot Florø og Ålfoten. Seinare på ettermiddagen fekk eg besøk av Agnar med frue. Etter ein særs vakker soloppgang på fjella rundt Nipebu og ein solid frukost søndagsmorgonen starta vi turen til Fossedalshengenipa i 09 tida. Vi gjekk inn eit stykke av dei same spora som eg hadde gått dagen før. På veg oppover ryggen på Fossedalshengenipa fekk eg problem med fellene som isa slik at dei ikkje sat skikkeleg fast under skia. Dette var litt ubehageleg for det var delvis knallande hard skare og is oppover. Men med litt pause og skraping gjekk det greitt. Det var ei heilt spesiell oppleving å stå på toppen av Fossedalshengenipa i skikkeleg vinterlandskap/temperatur. Her er ei utruleg utsikt i alle himmelretningar og spesielt kombinasjonen av flotte fjellryggar og hav er uimotståeleg og utan sidestykke... Men det vart berre tid til nokre raske bilder i kulden før vi snudde nasa nedover ryggen igjen med gode minner i bagasjen..... Vel nede ved hytta pakka eg storsekken og gjekk nordsida av Vagstaddalen heimatt. Det er lite snø i låglandet her ute så til tider var det ikkje heilt enkelt å gå nordsida av dalen heller (gjekk sørsida oppover). Vi får håpe på meir snø. Det var ei fantastisk helg på "Nipebu" - igjen - noko som flotte vinterbilder vitnar om.

Etter ei kanonhelg i fjellet med to toppturar opplevde eg at Rottefella NNN bindingane mine fraus til is og Rossignol BC skiskoa mine var komplett umulig å få fjerna frå bindingen (bla. måtte eg køyre heim igjen etter turslutt med skoa festa i bindingane på biltaket Det var spesielt kaldt i fjellet denne helga, så problemet vart jo forsterka av dette. Men er det nokon som har opplevd liknande tidlegare og har eit godt tips for å unngå denne isinga? Eg opplevde og att skifellane isa såpass at dei var omtrent umulig å få dei til å sitte skikkeleg under skia (E109). Fellane er heilt nye (det er ikkje så greitt å få varma dei opp langt til fjells i mange minusgrader)...Tips?

Tips. Åsnes har Rago til "fabrikkpris" med ubetydelege feil ca. kr 1600,- etter kva eg hugsar - sjekk http://www.asnes-ski.no/

Kjøpte meg Fischer E109 nyleg med lengde 188 cm. Mi høgde er 183cm og veg 83 kg. Var faktisk i stuss om eg skulle ta 178 cm..Fann ut at dei ekstra 10 cm kunne vere gode å ha på flatene og ellers ha litt ekstra bæreflate. Men nedover hadde det sikkert vore greitt med 178 cm. Dei gamle skia mine var 210 cm (skia skulle vere lenger før) og det er utruleg betre følelese med dei nye kortare skia. Ein tommelfingerregel eg støttar er +0-10 cm på di eiga høgde. I ditt tilfelle ville eg gått for 190 cm ja - kjøp skia iallefall ikkje for lange Lukke til! p.s. når eg les fjellski tenkjer eg på toppturar delvis utanfor oppgådde løyper E109 er litt for breie i forhold til vanlege langrennspor.

Kjøpte meg nettopp E109 smøreski for no VIL eg lære å smørje skia. Det er greitt med feller i bratta, men du verden kor kjedeleg å gå flate/kuperte strekk med å "hale" skia etter seg. Nei, eg vil GLI når eg skal GLI og sitte pang i bakken med langfell når eg skal det....Suset av smørefrie ski er ikkje noko for meg (einaste unntak er på vårblaut snø i mai/juni når du går like mykje over einer og lyng som snø..då få vi ta fram gamleskia!

Godt argument det med raggsokkar og å bli blaut på beina. Føttene sin værste fiende er jo væte - enten det er sommar eller vinter. Mi erfaring er då at ull er det optimale på foten. Noko anna lugubert stoff vil ikkje eg utsette føtene mine for iallefall..

Er i grunn ikkje så interessant kva du meiner sett opp mot FN;s klimapanel, ein samla miljøbevegelse, naturvernorganisasjonar og tom Busch høyrer eg i dag, som meiner at verda opplever ei menneskeskapt global oppvarming.. Sorry- det her blir berre moro... og det var ikkje meininga! SLUTTstrek for min del!

Den har ikke endret seg mer i det siste enn den har gjort på utallige tidligere tidspunkt i historien. Skjønar at du ikkje har vore på Vestlandet i det siste. Her vokser graset om vinteren, haustrosene står i full blomst, springflo kvar veke, eine stormen avløyser den andre, nye rekordar i nedbør, sjekk: vinteratlaset til NOF som viser alle trekkfuglane som ikkje trekker lenger, breeane som smeltar etc.etc. Ser og at tulipanane blomstrar i Belgia...Det er målt høgaste temperaturen i Europa nokonsinne i januar, tom alpinanlegga i lågare strøk i Sveits, Østerike, Italia er uten snø... Ja, ja, den som ikkje tar slike teikn på alvor har misforstått miljødebatten totalt..eller er ein kanskje redd for å sjå konsekvensane av eigne haldningar....?

Apros Pos brødhuer... Kven skal vi stole på hvis ikkje vi kan stole på FN;s klimapanel? Synsere på den blå skalaen i det politiske liv som aldri har hatt fornuftige ting å seie i ein miljødebatt...les egofiserte, kapitalistiske standpunkt som kun tar hensyn til eiga lommebok? Nei, vis solidaritet med andre menneske på jorda og ta miljødebatten på alvor...!

Som sagt - eitt par sokkar i skoa er nok for meg=null gnagsår. Skal du til med fleire par i skoa er mi erfaring at skoa blir for store etter ei tid og at du dermed får gnagsår (spesielt nedoverbakke etter mange timar i skoa). For ikkje å snakke om sommaren då føttene står i brann med fleire par sokkar.

Sverger til La Sportiva Gore Tex fjellsko som aldri har gitt meg trøbbel med gnagsår sjølv etter å ha gått i timesvis (bruker alltid eitt par relativt tjukke ullsokkar). Viktig at skoen sit skikkeleg på foten og verken er for lang eller trang...Det er lett å få gnagsår under tærne ved nedoverbakke hvis skoen er litt for romslig (hugs og at skoen utvidar seg noko etter bruk- her er og La Sprotiva veldig bra) Når det gjelder skisko var eg veldig plaga med gnagsår tidlegare med mine gamle lærsko for tåbinding og som oftast skifeller under skia. Etter at eg skifta til Rossignol sine BC skisko og nye Rottefella NNN bindingar har eg aldri hatt problem med gnagsår....