Tessatroll

Ikkje for å kuppe tråden, men har du denne skia? For den er eg skikkeleg nysgjerrig på

Ja. Seinast sommaren for eit par år sidan, eg og @graham hadde etablert ein lettare usjarmerende og myggfylt camp på ein ubrukt skogsveg, for å vere i posisjon til ein topp på morgonen. Der vakna eg om natta av at reven romsterte i forteltet. Han skvatt ut når eg opna døra. Der såg eg også at han hadde teke oppvasken og rydda i den vesle utekjøkkenavdelinga vi hadde mellom telta. Slapp heldigvis skadar på utstyr, vart berre ein litt meir omhyggeleg oppvaskrunde.

Slik ein skulle prøvd. Handla noko kle hjå Devold outleten på Vestby i fjor vinter som stinkar. Dei hadde hatt noko brann/røykskadelager (?), og det kunne virke som det var behandla med noko som lukta skrekkeleg. Eg tenkte ikkje vidare over det, innbilte meg eg kunne vaske det vekk. Den gang ei. Så no ligg ei trøye og ein kjempegod buff heilt ubrukt.

Eg er 166 cm høg, og ligg på mellom 67 og 70 kg alt etter sesong. Har Nansen i 185. Kunne ikkje tenke meg kortare, men det er jo smørjeski ..

Eg har ikkje erfaring med waxless, så skal ikkje uttale meg om det. Men er veldig glad i både Nansen og Gamme/Finnmark, dei tronar høgt på lista over skiglede, og blir sjeldan feil. Eg meinar Gamme er ei god allroundski, men til den bruk du skisserer lurer eg likevel på om ikkje vektskåla hadde tippa i favør Nansen for min del.

Sender deg ein PM så me ikkje blir veldig OT

Ser ut som det er ein god dose polart i den AH'en? Fin bikkje

Kunne ikkje falle meg inn å vaske ting i sterkt parfymert vaskemiddel eller nytte tøymykner. Ein veit aldri kva folk toler? Så er det jo eit miljøaspekt i dette au... Eg er sjølv høgsensitiv for lukt, og er ei av dei kjipe som synes at parfyme burde vere ulovleg når ein skal nytte kollektivtransport til dømes. Meinar også at butikken Rituals burde vere ulovleg på kjøpesenter 😂 Eg er så sær at eg kunne nok funne på å sende ei melding til selgar om det 🙉

Finnmark fungerer til det aller meste, og skulle eg valgt ei av dei tre til allround bruk så hadde eg definitivt valgt Finnmark (i praksis Gamme utan stålkant). Den fungerer også utmerket utanfor løypene, er lettare å få på kant og styre på hardt og avblåst underlag, har litt løft I front men ok spenn for dei lange pulkturane. Vel du god lengde så bær den godt i snøen (eg er 166 cm og har 190 Finnmark). Skifta nettopp frå BC til xplore på Finnmarkskia mine. Har trekkhund på line og merkar at eg får betre overføringskraft både i brems, sving og på kant med xplore

Gode råd du har fått over. Viktigst; føter er individuelle, så gå for gode sko. Eg er av dei med motsett erfaring av @Omnilite, har større problem med å finne 75 mm som funkar enn BC. Så det er litt viktig å prøve fleire ulike modellar sko, om du har tilgang til det.

....så er det fine vatn i Volda kommune, ved Tyssenaustet (DNT hytte i fjellet), i Grøndalen, Sunndalen m.m.

Er frå Sunnmøre og kan på generell basis seie at kulturen for kultivering og forvaltning av fiskevatn er heller laber i moderne tid, samanlikna med ein del andre stader i landet. Det er mykje tusenbrørvatn, og langt mellom dei verkeleg gode vatna, sjølv om det finnast nokon av dei. No veit ikkje eg kvar på Sunnmøre du skal, men om du synes det er fint med litt mindre steikefisk, kan det likevel vere verdt å prøve vatna som ligg oppe i fjelldalane som til dømes Langedalen, Skorgedalen, Kalvedalen, Kvanndalen, Rognestøylen, Kvamsedalen, Molladalen m.m. desse ligg på Kolåshalvøya. På Rånahalvøya har eg vore mykje, men ikkje fiska så der har eg lite tips. I ytre er det fleire fine vatn både i Sande kommune (med utgangspunkt i Drageskaret) og i Hareid kommune (Ringstaddalen og fjella mellom Ringstaddalen og Ørsta/Vartdalsfjorden. Elles er det nok meir fine vatn om du bevegar deg meir inn mot Tafjordfjella og Strynefjellet (Reinheimen). Der er det mykje god info å finne på nett, mellom anna hjå Skjåk Almenning.

+ 1. Har hanefot utan knute, likar at pulken "finn sin egen veg". Kortar ned til dømes i brefall eller terreng der eg vil ha meir kontroll. I unnabakke legg eg uansett pulken på leggen/held han tett på.

Eg solgt nettopp eit par Andrew St.Moritz då eg ikkje lenger kan bruke 75 mm. Fantastiske støvlar, stive men komfortable, vanvittig kvalitet. Eg kjøpte dei til dei typiske vårskiturane med tung sekk på bre og i vestlandsterreng. Ho eg solgte dei til vart også heilfrelst (skulle ha nye støvlar til typisk "Vestlands bruk"). Gamletorvet har førebels slutta å selje dei (leverandør fekk trøbbel under covid), men om du finn dei på nett er dei absolutt å tilrå. Dei var så bra at eg vurderte å behalde dei berre for å ta litt på dei innimellom 😂😂

Kan ikkje snakke for @Marius Engelsen, men eg skyl og brukar om igjen både brødposar og ziplock posar.

Eg veit i alle falla at Arcteryx Alpha SV kjem i svart. God jakke. Middels lengde. Den nyaste modellen har eg dog ikkje testa, den skal visstnok vere litt endra. Elles har Klattermusen svarte jakker av god kvalitet.

Ull/silke er ein fin kombinasjon som eg verdsett i varme. Det blir relativt slitesterkt og svalt. Houdini hadde ein modell før som heitte airborne, den er diverre utgått. Kva Houdini har no er eg usikker på. For å finne ein erstattar for mine Houdini t-skjorter (som forøvrig framleis er i bruk, den eine kjøpt i 2014) kjøpte eg i fjor ei i ull/tencel frå Icebreaker. Den er ikkje like sval som Houdini, men veldig bra likevel. Elles trur eg kanskje Nøstebarn framleis sel undertøy i ull/silke til vaksne.

Ah, dei kan ikkje eg bruke, får vondt i akilles. Det er så ulikt korleis føter er, at det er nesten vanskelig. Men Crispi er i alle fall breie nok til mine "andeføtter".

Merk at Lundhags Abisku og Abisku expedition kan verke til å ha litt ulik passform. Så med høg vrist kan det vere verdt å prøve den som heiter expedition. Den er pent prisa på Outnorth om dagen.

Kanskje du er som meg; eg har ikkje "Alfafot" men "Crispifot".Eg kan heller ikkje bruke Alfa, får smerter i føttene. Eg har breid fot (og då meinar eg brei!) men ikkje veldig høg vrist. Av xplore så høver Crispi Futura meg godt, og elles Lundhags Abisku expedition. Den siste er dog noko vanskeleg for folk med høg vrist trur eg.

Tur med "kilometerjag": Ulike blandingar av gryn, nøtter, og frø/kjerner, frukostblandingar mm., saman med tørrmelk. Turar lenger enn ei veke; legg til proteinpulver i blandinga, for meg er vaniljesmak favoritten. Turar utan "kilometerjag": Ulike variantar av ostesmørbrød steikt i panna.

Har ikkje desse stavane, men kanskje eit dårleg fliplock-system på dei? Rart. Dei fleste fliplock bruka funke bra når ein har fått justert/stramma til skruen. Om det ikkje funkar å stramme så ville eg sendt i retur.

Eg vart så glad det var tett før eg tok til å grine når du drog lokket av kjelen 🤩🤩🤣

Eg ville ikkje kvidd mot å bruke det på kortare vinterturer med greie meldingar. Myggnettingen stoppar dog ikkje snødrev så godt om det er ruskete er mi erfaring, men det er kanskje ikkje då ein tek dette teltet uansett...lett snødrev får ein stoppa. Og skulle det bli riktig ille, får ein berre flytte det ein vil halde snøfritt inn i innertelt. I høve teltduken funkar det jo gull å spa snø inntil, om ikkje glipa er altfor stor.

Eg har også en Piteraq, som har vore mykje i bruk. Hugsar ikkje nøyaktig, men meiner den var kjøpt i 2013 eller 2014. Vore med på mange turar, korte og lange. Den er noko prega av ublide møter med stålkantar og bjørkesatan, men held framleis godt stand i stoffet og i glidelåset.