Tessatroll

"I am starting with the man in the mirror......" "Det agregerte nivå er summen av individers valg" Og slik kan vi halde fram... For meg står miljøomsynet fremst ved kjøp av brukte ting. At der er ein miljøgevinst er logisk. Etterspørsel = produksjon. Enkelt og greit. For ikkje å snakke om at på en del områder (til dømes ski), kan ein for ein gitt sum få bra brukt utstyr i staden for dårleg nytt. Konsum er noko eg kunne debattert i det vide og det breie trur eg, men filosofien min er at "litt slit skaper karakter". So då satsar eg på å bygge min karakter gjennom å greie å slite ut dei delane av utstyrsboda mi som ikkje er optimale også Og gjerne det andre ikkje gidd slite ut Når det er sagt vil det ikkje seie at eg berre handlar brukt. Det er ikkje alltid råd å få til, desverre.

Som tidlegare nevnt er vurderinga av terrenget ein nøkkel ( i tillegg til alder, trening osv). Terrengvurdering er viktig ikkje berre i forhold til kapasitet. Det er også viktig i forhold til å førebygge skadar...feiltrakk i ur med 10 kg på ryggen og feiltrakk i ur med 27 kg på ryggen kan sjå nokså ulikt ut for ein ankel eller eit kne. Når det er sagt har eg alltid synest det har sett snodig ut med desse stavane folk drassar med overalt....ikkje har eg fått til å gå med dei tidlegare heller, gjekk seinare med stavar enn utan, då eg følte eg fekk 4 føter.... Dette heilt til eg av rasjonelle/førebyggande årsaker bestemte meg for å venje meg til det. No tek eg med stavar om sekken overstig 15 kg. Eg tenkjer at det også er viktig å hugse at muskelstyrke går raskare å byggje en senjar/ledd/ligament greier å auke kapasiteten. Mange vel difor å kjøre på etterkvart som dei vert sterkare, utan å tenkje på at det er meir enn den tverrstripa muskulaturen som skal styrkast og venjast. Då ber ein gjerne om bråk

+1

Hei Ulvemor. Eg syntest det same som deg i forhold til å pumpe opp. Når eg då kom over ein pakkpose som med ein "adapter" eller overgangsdel kan brukast til å blåse opp underlag med integrert pumpe, var eg ikkje sein om å prøve. Synest dette funkar fint, det krev mindre plass, spes er det praktisk ved møkkavær i små telt om vinteren (for den som ikkje har vinterpalass), for du kan stå i kokegropa i forteltet og bruke pakkposen til å blåse opp, i staden for å ligge på knes i eit lavt telt å utføre hjartekompresjonar. Therese

Forøvrig går også eg på E99. Grei når det hovedsakleg er bortover og litt opp og ned. Likevel står eit par Nansen eller liknande på ønskelista, til turar med fleire høgdemeter Sent from my C6903 using Tapatalk

Hei Har relativt brei fot og ømme akillesar (spes den høgre sei i frå ved fleire lange dagar på ski med oppakning/pulk), og faktisk også på lengre fotturar om eg bær tungt. For meg vart løysinga å bygge opp helen litt inni skoen. Det er ofte slik at ein kanskje har feilstillingar i foten som gjer at draget i akillessena vert feil, over helen. Eg sei ikkje at det er ditt problem, berre nevner at det like ofte kan være ein kime til smerter i akillesområdet som "feil" sko kan være det. Det er naturleg at konsekvensane av slike "feildrag" ikkje melder seg før dei vert utsett for relativt stor belastning, samanlikna med i det daglege. Kanskje var den gamle skiskoen din mindre flat inni, evt skråar litt opp bak? Kanskje har den bedre støtte på utsida eller innsida, slik at foten din vinklar annaleis sidelengs og draget på akilles vert endra? Mogleg eg er på bærtur, men det var no hvertfall mitt vesle bidrag

Fantastisk tråd Har alltid trudd at det einaste alternativet var ein venstre og ein høgrepose (med unntak av svindyre, spesialtilpassa ekspedisjonsposar), men ser no at ein kan få supre dobbelposar med gode lukkefunksjonar osv...Så spørs det om kjærasten vil synast at det er ein god idè, han påstår at eg er som eit lite mobilt kjernekraftverk om natta, og at han må stappe dyna ned mellom oss for å isolere vekk varmen...Kanskje skal han få fred? Eg har det forøvrig ikkje med å fryse, så eg treng strengt teke ikkje varmen, men det er no triveleg i same pose

Må korrigere mitt upresise språk: Eg går for goretexmodellen (salopette) av trollveggenbuksa, den var enkel å drage til sides o g gav nok arbeidsrom.

Skal også ha ny vinterskallbukse etter å ha gaffa saman båe skalbuksene mine i to sessongar no.... For meg sto valget mellom Trollveggenbuksa og Klattermusen. Trollveggenbuksa i Dri-3 har "luke" medan den i gtx har salopette-varianten. Har testa i butikk (såg sikkert passe intelligent ut), og den verka kjempebra og truleg går eg for den. Dette til tross for at Klattermusenbuksa har ei FANTASTISK passform (hvertfall for meg). Som allround vinterskallbukse som hovudsakleg vert brukt til daglange alpine turar samt lenger skiturar med åpulk, føler eg likevel at eg ikkje treng alt "dillet" på Klattermusenbuksa. Mange av detaljane er vel tiltenkt lenger dagar i isen eller på lange alpine turar med mykje klatring. Likar ikkje å skulle kle på meg ein masse "dill". Med yeti gamasjar, lang jakke, sele osv verte det som regel nok "pjåt". Endte til slutt opp med ein tanke om at "det enkle er i dette tilfellet det beste". Trollveggenbuksa gir nok "arbeidsrom" til å gjere nr 2, nytte seg av trakt, eller skifte damegreier....Og då er eg nøgd

Samme spørsmål har eg, vurdera båe modellane!

Langt utanfor mitt kompetansefelt....men: Det er tildømes dei kontrolltårn ved dei ulike flyplassane ein skal melde frå til om ein til dømes skal flyge PG eller HG eller andre merkelege innretningar. Det fortel meg at det er sannsynleg at dersom det etter lova er opning for å bruke den flygande innretninga (?), så er det ein meldeplikt som gjeld, og at regelverk som regulerar luftfart ikkje avgjer om du kjem innanfor "døra" eller ikkje sleppe inn, men om kva som skal skje når du først har fått løyve. Altså, at om det er opna for bruken av helikopter til einkilde formål, og kommunen har gjeve løyve, så er der sikkert berre ei meldeplikt, og ikkje ei søknadsplikt som gjeld. Men, dette er meir gjetning enn noko anna.....

Her er ein link til info om faktiske forhold: http://alesund.turistforeningen.no/article.php?ar_id=40258&fo_id=708 Her er link til ein av mange uttalar som har rasa ut i løpet av ei lita veke: http://friflyt.no/Ski/Slakter-heliski-i-Norge

VINTEREN ER HJARTANS VELKOMMEN! Berre utruleg glad for at dei ulike skidisiplinane ikkje får gode forhold på same tid, for då hadde eg stått med panikken i augene i garasjen og lurt på kva ende eg skulle begynde i, kva ski skal eg lufte først! Medan eg ventar og gledar meg, leitar eg fram ski, og steller og nynnar og syng rundt dei, mine hjartebarn nest etter dei som vart til i eigen mage

Ja heldigvis har det kome stadfesting på at dette per dato ikkje er lovleg. Vonaleg held det seg slik Førte likevel til mykje kjensler, og tilogmed brote samarbeid mellom aktørar i reiselivsnæringa og aktør som søkte, pga ulikt "verdigrunnlag". Ganske sterke signal. Mykje sterke kjensler som vart sett i sving blandt folk. Forståeleg

http://veirhaldet.blogspot.no/2013/11/heliskiing-sa-objektivt-eg-kan.html Ikkje berre snøscooterdebattar som rasar....i mi heimbygd er dette det som har dominert siste veka, etter at eit firma søkte helikopterløyve til forsøk med heliskiing...

Forsvarets fotposar med solar utklipt av sitteunderlag + solar utklipt av tjukk tova ullmatte + dunfotposar eller kartankar alt etter kor kaldt det er... Har aldri prøvd noko anna, så ei fyldig komparativ analyse kan eg diverre ikkje tilby, men dette funkar for meg i alle fall

Øh, ved nærare finlesing ser eg at det står to ulike instruksar for val av størrelse på Engelsk og Norsk? Den ENgelske instruksen sei 2 str opp og den norske 1.

Å sjå der! Det var god info Då er dei laga til formålet. Mine Skarvet har ikkje plass til kartankar og polsokkar ved å gå opp ein str hvertfall

Hei Ullkartankane er tjukke! Og eg vil påstå at det er lite hjelp med isolasjon dersom det er så trangt at det ikkje er plass til luft i skoen. Eg hadde velt å gå opp 2 str om eg skulle ha kartank. Men har ikkje Alfa god rettleiing på dette med størrelsar på sine heimesider? Det vesentlege er vel kva utganspunkt som hadde vore passeleg utan kartank og slikt. Og det kan no skilje seg frå merke til merke. Eg har ei oppleving av at Alfa jamt over er ein halvstr større enn mange andre på sine str? Berre mi oppleving? Eigne erfaringar er i alle fall at eg må opp ein størrelse, utan kartank. No har eg Alfa Skarvet i ein str opp frå vanleg, og brukar liner + dampsperre (i røynda brødpose) + tjukk ullfrottè.....med ullkartank hadde det vore nødvendig å gå opp ytterlegare ein str. Good luck, dette skostyret er jammen ikkje berre-berre!

Det med husa handlar mykje om økonomi. Dersom noko skjærer seg i byggeprosessen er det berre å droppe eller mellombels instille bygginga. Nokså vanleg, og endå verre etter finanskrisa. Hellas har også eit av Europas tregaste byråkrati, så ein skal ikkje sjå vekk frå at noko av årsaka faktisk ligg der også Fint å gå i fjellet i "syden", men hausten er kanskje verst, med høgast temperatur og null grønt. På vinter er det betre, og om våren under bløminga kan det være rett vakkert på ein del av øyane i sydlegare strøk Sent from my HTC One S using Tapatalk

Eg køyrer telemark sjølv, dog utan at det på nokon måte kan minne om å "danse" i løssnøen når eg køyrer Eg har også berre middels greie ski, men gode sko, dog noko køyreretta (hadde greidd meg fint med noko mindre aggressivt), så det er litt å drasse på når eg skal på topptur (Sunnmøring her også). Det einaste konkrete tipset eg kan kome med, som er noko eg sjølv vil tenkje på neste gong eg skal kjøpe ski, er binding. Av ein eller anna grunn (bevistlaus i gjerningsøyeblikket) kjøpte eg dei skia eg brukar på topptur med rottefella cobra..... I forfjor vinter kjøpte eg eit par ski til, nokre skikkelig breie laussnøski på vårsalg på den lokale sporten. Vi monterte på gamlebindingane til min sambuer som har konvertert til randonè. Desse bindingane har gå-modus (meinar bindingen er ein G3 binding), Dette gir BETYDELEG mindre bøyemotstand på turen opp.... Noko som kjennest i lange seige Sunnmørsbakkar! Har irritert meg at randofolka går så lett, men med ein slik binding har ein i alle fall jamna det ut litt

Eg retta den ikkje mot deg som person, men mot argumentasjonen som vert brukt. Argumentasjonen minner unektelig om ein slik tankegang. Eller? Og hovudpoenget mitt var at diskusjonen kring kven som hadde høve og ikkje høve til å nytte seg av stadig innskrenka områder var noko einsidig i skildringa si. Dersom ein ser på sysselsettingstal, så er det ein del menneske i vårt land som ikkje er i den situasjonen. Dette er mitt siste innlegg, då eg ser at me aldri einast. Eg tykkjer at all argumentasjon og handling som fremjar ei utvkling der naturen vert ein knapp ressurs, og bruken av den kan utvikle seg til å bli elitisk, er håplaus. Ynskjer alle engasjerte ei framleis fin veke

Trur du må lese omatt. Eg sa ikkje at det er ein liten del av landets befolkning som har ferie. Og eg sikta ikkje nødvendigvis til at folk grammar seg og legg ansvaret over på andre. Men ansvaret for at folk lev på ein måte som ikkje er gunstig for deira eiga helse, sine borns sosiale sitiasjon, og/eller samfunnsøkonomien, fell tilbake til samfunnet på eit eller anna tidspunkt. Då er det mi meining at i staden for å "konstruere tilgjengelege" områder, og legge til rette i hytt og pine, kan me prøve og ta vare på det me har, og bevare den lågterskelen som er truga. Forøvrig vert me aldri einige, det kan me einast om. Det er den sterkastes typiske tankegang at "dersom folk ikkje sjølve kan...blabla.....so får dei slite med det sjølve....blabla....ta konsekvens av eige liv blabla". Jaudå, eg meinar ikkje at ein skal pakke inn folk i bomull og vatt og bære dei avgårde, det er tross alt forskjell på å barbere seg og på å skjære av seg hovudet.

+ 1 til Sent from my HTC One S using Tapatalk 2

"Det er bare snakk om prioriteringer" ? Den uttalen fortel meg eigentleg at eg skal gi blaffen i fleire innlegg. Men engasjemntet tek overhand. Er det berre arbeidstakaren med fast arbeid, 5 ferieveker og eit gjennomsnittleg liv som er temaet her? For så snakkar vi i alle fall om ein liten del av landets befolkning. Dei fleste som har litt innsyn i, eller arbeidar med, friluftsliv og folkehelse og spm kring dette, gjerne knytt til klasseskilje, moglegheiter, tilgjenge, sosiale årsaks-og verknadssamanhengar osv, vil soleklart sjå samanhengane her. Når ein snakkar om ressursar, handlar det ikkje alltid om pengar! Ein treng forresten ikkje arbeide med det, det held å gjere nokre objektive observasjonar ut verda som ikkje er farga av eige ønske om kva ein vil sjå. Spm er vel IKKJE korleis dette råkar dei som allereie har ressursar (til å reise til syden). Eit meir gyldig spm vil for meg være: Kva skal den som av ulike årsaker ikkje har ressursar til sydenferie og andre opplevingar gjere, når også fredelige naturområder vert ein knapp ressurs? Jau då skal dei verte sittande inne framfor skjermen, samen med kidsa sine.....Og ete Grandiosa. For det er tross alt rimeligare enn å ete sunt. Og så kan vi kritisere dei for ein usunn/meiningslaus og sjølvvalgt tilværelse etterpå. Eller bruke ein masse pengar på å utvikle nærområder på tur....i regi av ein folkehelskoordinator, eller anna meiningslaus ressursbruk. Meiningslaus fordi den kunne vore unngått. Ikkje fordi den ikkje fremjar viktige verdiar. Ærleg talt! Kven er det forresten som kjøper seg snøscooter/snøscooteropplevingar? Er i alle fall ikkje den jamne nordmann. Frå meg eit rungande NEI til kommunal autonomi på dette området. Det har sosiale kostnadar også, så vel som miljømessige. Det er mi bombastiske meining som eg kjem til å halde på til eg vert blå i ansiktet.