Tessatroll

Eg smører mykje, og legg aldri ut på tur utan å ha med smørning Eg legg kun på kortfell om eg må.

Dette er i grenseland. Skjerp tonen. Moderator.

Den er litt tyngre å snu for hand, men ikkje verre enn at det går. Eg har dog ei oppleving av at eg treng nokre fleire lengdemeter med veg når eg skal snu. Den står stødig og fint sjølv om den ikkje er på bil. Sambuar har montert lys sjølv inne i bura til våre, utan at eg er så sikker på om det bryr bikkjene nevneverdig. Forrige tur slo eg dei ikkje på.

Den isolerte hengaren synes eg personleg er gull når det er varmt. Vi fartar mykje heile året, så det må vere mogleg å bruke den i sommervarmen. På hausten gir ventilasjon/vifte god tørk, og ligg dei i halm eller treull er det gull på hausten. For kvardagskjøringa i bur i caddyen har eg bestilt vifte til tak som skal monterast i lasterom, med bryter fram i førerkabin. Ved å bore fleire hol i veggen mellom kabin og lasterom, kan takvifta dra frisk luft frå kabin til og bak. Sotingsfilm med ekstra refleksjon av stråling skal på vindauga i kassa. Kombinert med aluduk over heile bilen ved parkering, håper eg det gir levelege forhold når hengaren ikkje er i bruk.

Samme her, tispa vår var i løpetid 🙉 jakta også med laushund, der den eine var hannhund. Ekstra greit med den hengaren då.

Då er den nok ikkje det. Vi køyrer også ein lengre turar, men synes det fungerer godt likevel.

Hadde forresten med bikkjene nordover på elgjakt no i haust. Hytte litt langt frå jaktterrenget, så lite aktuelt å la dei stå att på kjettingen. Då var hengaren genial. Kunne sette den rett på utsida av jaktterrenget medan me jakta. Når det var pause og bålbrenning så henta vi dei og dei fekk vere med på den sosiale biten. Kombinert med ettermiddagstur for å trekke, før evt. kveldsjakt, gjorde hengaren det lettare for oss å kombinere ein aktivitet som eigentleg ikkje er så trekkhundvennleg, med å god sosialisering og trening med hundane.

Vi fekk tak i ein brukt WT metall. Vi er veldig fornøgde med løysingane. Skulle eg kjøpt ny, ville nok Tredal stått høgast på lista (utan at eg har gått djupt inn i detaljane). Norsk og kjent. Usikker på om vår er godkjent for 100 km/t men køyrer aldri så fort med dyr ombord uansett. Ei litt kort bremselengde grunna vilt i vegen er nok til at det kan bli relativt ubehageleg for dei (og kanskje er eg litt skada av å ha kjørt mykje hestehengar, der det er veldig store krefter og høg vekt i sving).

Hengar, og har nokre mindre bur i bilen som er "godt nok" for å rægge rundt på korte turar (men som eg ikkje ville kjørt langt med). Desse kan ein også hive bikkjene inn i for å ta den siste lille biten, etter å ha parkert hengar. Det fine med hengaren er at det går an å overnatte meir sentralt også (når ein reiser over distanser) utan å stresse med oppstalling. Berre å hive dei i hengaren, så er dei trygge, og dei søv og roar seg over alt! Vi synes det var ein bøyg å kjøpe, og diskuterte lenge med oss sjølve. Men, i ettertid har vi fått sjå fleire positive sider som vi ikkje hadde tenkt på før, og no kan vi nok ikkje tenke oss ein tilværelse utan hengar. Redigert; her i huset er det også Caddy. Ein maxi og ein vanleg. Maxien til sambuar har super skuffeinnredning. I kombo med hengar er det heilt suverent!

Skjønar deg godt. Eg er også glad i det systemet eg alltid har hatt. (Det involverer dog ingen kasser 😅 )

Du får det ikkje til å funke for deg å pakke utan kasser?

Ikkje nødvendigvis, og kanskje faktisk motsett (utan at eg er sikker). Det er som regel vi menneska som har mest å lære når vi får vår første hund (som eg får inntrykk av at det er?).....og forsåvidt vår 2'ndre og 3'dje.. Ein BC er kanskje meir førarorientert og lærevillig, men eg tenker at er det verkeleg så nøye med? når du truleg vil ha nok med å lære deg korleis du skal trene heilt vanleg kvardagslydigheit og få til nok fysisk trening i løpet av veka? Eg personleg ville ikkje gått for BC som nybyrjarhund, då den vil krevje mykje for å vere fornøgd (og ikkje utvikle uønska åtferd) men eg kan som sagt for lite. Ser medan eg svarar at @Heriks svarar, tippar ho har meir fornuftige/kvalifiserte innspel.

Eg har Grønlandshund og ikkje kjennskap til andre raser enn den, samt husky. Men, eg vil følgje opp litt det sporet som @Fiskepaddeer inne på, om kvardag. Kvar bur du, og korleis ser du føre deg kvardagen? For det er flest av dei for dei aller fleste. Ser du føre deg at du tek på samojeden ein sele, og går ein tur med dekk eller kjetting for at den får trekke? (Også onsdag kveld etter jobb i sidelengs regn?). Eller ser du føre deg å ta med deg BCen til hundeklubbens arealar for at den skal få hjernetrim? Eg ser føre meg (mogleg feil) at BC treng meir hjernetrim i tillegg til fysisk aktivitet. Samojeden har eg inntrykk av er meir slik som andre polare rasar, at dersom den får brukt kroppen godt så er det det viktigaste (så er det bra for alle bikkjer å bruke hovudet litt altså, forskjellen ligg vel i om det er nødvendig for ha ei fornøgd bikkje). Eg må også vere ærleg å seie at eg i hovudsak synes bikkjer skal bli brukt til det dei er avla til, både for bikkje og eigar sin del, det gjer livet så mykje lettare og betre for alle partar. BC tiltalar meg, men eg synes liksom ein gjetarhund skal få gjete og ein trekkhund trekke 😅. Eg ser likevel at det er mange BC som ser lukkelege ut utan å gjete, grunna bevisste eigarar som greier å stimulere dei nok på andre vis. Så kanskje er det aller viktigaste å vere bevisst kva det krev og vere klar til å yte det? Og det virkar no som du er bevisst Å la ein samojed trekke ser eg føre meg er ei litt lettare oppgåve i kvardagen enn å utfordrar hovudet til ein BC, men det kjem no heilt an på kva ein interesserer seg for. Velvel, dette var mine særdeles ukvalifiserte tankar, håper du får nokre meir kvalifiserte etterkvart. Lukke til med valet

Langhelg førre helg. Kombinerte besøk hjå ny kvalp med roadtrip og tur i fjella i øvre Rendal og ein runde inn i marka frå Feragsdambua.

Har det samme. Relativt lett jaktbørse med fluta løp og kikert som ligg lågt. Ikkje nett optimalt for dei dagane ein treng ein del skot men ikkje har høve til å sitte å vente på nedkjøling (som forøvrig er nokså keisamt uansett kor god tid ein har). Utover det høyres det no ut som du kan finne ut av det. Om ikkje lyt du kanskje freiste lukka på kammeret Skitt jakt når den tid kjem!

Gjekk den berre annleis eller gjekk den dårleg? I mi børse gjeng heimelada ammunisjon med Sako blade greit, men detta er no så ulikt frå våpen til våpen har eg forstått på dei som kan. Uansett ekkelt å stikke ut på jakt når ein kjenner seg utrygg. Det gjorde eg når det ein periode var dårleg tilgang til ammunisjon, knytt til at krigen i Ukraina tok til. Det einaste eg fekk tak var noko Norma eg ikkje hadde brukt før... oppskytinga gjekk fint, men synes samlingane var både vide og litt tilfeldige. Gav skikkeleg dårleg kjensle i reinsfjellet, og eg enda opp med å køyre ganske langt for å få tak i noko anna.

Absolutt

Samd i at det er to ulike ting. Eg er nok likevel slik skrudd saman at eg så langt det let seg gjere heller vil velje vekk/løyse det slik at eg blir mindre eksponert, enn å venje meg til. Ho løyste det enkelt med å flytte Så skjønar eg det du skriv elles, og forstår kvar det kjem frå, men er ikkje samd i at det alltid er så enkelt. Folk har ulik toleranse, og eg meinar vel at i "problem med støy" ligg nettopp det at ein har problem med å fase det vekk. At ein ikkje alltid berre kan bestemme seg for å venje seg til ting (sjølv om aksept for det ein berre må stå i er ein livsfilosofi eg på mange vis både støttar og praktiserar). Så syner jo også lenkja som det er her vist til i startinnlegg, at ein kan blir påverka av ting ubevisst. For meg er det enkelt. Eg budde i byggefelt i to år. Holdt på å bli gal av lyd og lys. Var van med å bu i ein dal, utan gardiner på soverommet, og leve i takt med lyset. Støyen, lyset og folka tett på gav ein klaustrofobisk følelse, same kor eg prøvde tole det fordi det var ei praktisk løysing for nokre år. Så er det i seg sjølv paradoksalt, når eg eigentleg tenkjer at fortetting er delar av svarer på natur-og arealutfordringane vi står overfor. Men no trekker eg eigen tråd langt ut på viddene, og skal stogge her Kanskje skulle ein hatt ein eigen tråd på samfunnsdebatt som gjekk på lys, støy og asfalt, og korleis vi fjernar oss frå eigen opprinnelse.

Nokre blir vant. Andre ikkje. Har ei vennine som budde på Jessheim i mange år. Ho vart aldri van med støyen. Forøvrig har eg ikkje tenkt å venje meg til støy på tur i fjellet, ei heller overdreven lysforureining. Då skal eg heller bruke litt energi på å protestere, klage og følgje med på utbygging. I høve kvardagsstøy synes eg også der at me har mykje å gå på som samfunn, og eg føler verkeleg med dei som til dømes no får store vindkraftanlegg trøkka nedover hovudet i kvardagen sin. (Og dei som bur nær flyplassar som slit med det). Kort sagt, eg synes støy er ein uting, og det vil aldri bli min strategi å berre akseptere den blindt Elles samd i at lydar frå natur ikkje oppleves som støyande ....og at ein del aldersrelaterte plager diverre berre er noko ein må lære å leve med 😆🙉

Altså. Snakkar meg om kjipe månader! Godt du fekk god hjelp ❣️

Takk for gode svar folkens

Innbiller meg at eg også må det, og at om eg sitt framme må den bak må "follow my lead" på kva side me padlar på, slik at eg får fordelt belastning. Men tippar det @ost meiner er at ein ikkje padlar annakvart tak typ, som jo er den framgangsmåten eg har inntrykk av at mange intuitivt vil velje. Inntrykka mine stammar då frå for mange episodar med 71 grader nord, der eg ofte morar meg stort på andre si bekostning 😆. No er det truleg andre som skal få more seg på mi bekostning.

Makes sense at "landskapet" avgjer kven som er skipper på skuta!

Takk for at du gadd ta deg tid til utfyllande svar @Gabs88! Nyttig. Vi har faktisk ein halvvegs plan om ein Canadatur saman med venner på sikt, so då er det jo flaks at vi ikkje er gift. Så slepp eg bli skilt meinar eg 🤣 Spøk til side, eg trur vi skal få det til teknisk med litt trening (og moglegens frustrasjon 🤭). Eg har padla mykje havkajakk, så har ei slags grunnleggande forståing for åra i vatn. MEN eg har også erfart kor totalt annaleis du hentar støtte i elv/straum, då eg sjølvsagt har sett åra i vatnet feil ved kajakkpadling i elv og blitt drege RETT rundt 🤣 så eg er innforstått med at det spesielt i elv er annaleis, og også at effektiv framdrift på flatt vatn krev trening både på teknikk og samarbeid.

Heisann godtfolk For eit par år sidan gjorde eg innlending av meg, og havkajakk og dykkerutstyr blei solgt unna. No spekulerer me på å kjøpe kano, og trur at valet fell på ein Ally 16,5. Knytt til dette har eg eit par spm (og sikkert fleire etter kvart). Mi erfaring er at det ein del utstyr berekna for vatn, og som involverer ei eller anna form for laminering/tape osv har begrensa haldbarheit, sjølv om utstyret er lagra bra. Sidan eg veit fint lite om produksjonsmetodane på Ally'ane, og kan lite om korleis materialane oppfører seg under ulike påverknader, lurer eg på om alder/tid er noko eg skal ta omsyn til ved bruktkjøp? Eller er det safe å kjøpe ein som tek til å drage på åra, om han har vore lagra greit? Mitt andre spm går på åre. Eg er ei dame 166 med negativ apefaktor. Eg padla difor relativt smale havkajakkar, med åre anten av karbon/glasfiber med bent shaft, eller ved låg åreføring, ei lett og god grønlandsåre for lite motstand i vatnet. Ser jo at breidda på ein Ally er noko anna enn ein snerten havkajakk (utan at eg heilt veit kva breidda er der eg vert sittande når me er to som padlar). Med historikk på nakke/skulder, så er eg likevel ute etter tips på god åre. Å trene god padleteknikk er ei sjølvfølgje, men eg går ut frå at ein også her, som ved kajakkpadling, kan lette belastninga ved å velje ei god åre. Evt andre gode tips? På førehand takk frå newbie på kano