Tessatroll

Forstår ikkje kvifor eg hadde quota deg der når eg eigentleg skulle quote @Prebb. Men for all del greit å få svar på det med lengda, haha. Gir opp denne IKTen.

Det kan være at ME jakka vert litt lenger når du får den i rett storleik. Likevel kan det høres ut som KM jakka likevel ligg eit hakk over ja. Skal ta med denne i vurderinga eg og når den tid kjem

Om me er to tek eg med eit filter som eg skrur på 1 liters Nalgeneflaska mi. Brukar presskannekaffe og let denne stå og trekke ei stund. Eg synes det vert overraskande god kaffe på dette viset. Åleine vert det ofte pulverkaffe ja.

Og det gamle var endeleg nesten borte....dette er "byfjellet" her i bygda. Eit flott eit sådan. Ligg som ein voktar over fjorden og sentrum, 1303 moh. Spraymalinga ser ikkje ut. Merkinga heng ikkje på greip, og eg vert så forbanna eg ikkje går opp dit. Synd. For til å være "byfjellet" er det nokså flott.

Med mindre eg er garantert 20 blå heile turen; membran. Rett og slett fordi det tørkar. Det er påliteleg. Og eg vil heller vil være klam ( pga dårleg pusteevne) og varm enn våt utanfrå og kald. Dessutan kan ein ofte gjere noko med det klamme ved å lufte.

For kort pose kan fort skape kuldepunkt i fotenden dersom føttene dine i "avslappa" posisjon kviler mot enden på posen.

Sender den til meg så klipp eg ut brukande stykker og syr vindvottar/gamasjer av driv som samlar opp

Gregory Wander? Har ingen erfaring med denne dog, me har Deuter Fox i hus. Dei vert dog litt mindre enn det du har skissert. Den største har gått over på damesekk når største fox blei for liten

Lyd er det beste verkty for kjapp diagnostisering. Sytalaust

https://www.hanwagshop.no/tatra-alle-passformer/hanwag-tatra-bunion-dame-gtx

Det finnast merkjer som spesiliserar seg på Hallux. Skal sjå om eg finn att link

Eg har arbeidd me mange variantar av dette, og praktisert mykje. Av alt eg gjer, og alt eg har instruert, er pilates det definitivt mest effektive for å "rack and stack" strukturane i kroppen rett igjen. Er som regel det som må til for å få bukt. Å strekke er bra. Å opne er bra. Men det hjelp lite dersom du ikkje øver inn eit røyrslemønster som blir med deg inn i andre ting du gjer, utan at du tenker over det. Den vekkinga av nervebanene ein får gjennom å praktisere pilates (føresett ein dyktig instruktør i klassisk pilates), måten ein øver inn linjer i kroppen og skånsomheita den utgjer for ledd er eineståande. Men det er eit stort men. Dersom du kjem til ein instruktør som kan verke som han/ho har eit helgekurs i pilates, og nærast omtalar det som magetrening, styr unna. Pilates skal være trening der du etterkvart som teknikken kjem brukar heile kroppen frå topp til tå. På same tid engasjerar du mellomgulvet og pust på ein god måte, og gir skjellet og lunger gode arbeidsvilkår. Ikkje uten grunn at det i mange år har vore populært blandet boxerar og Danserar. Det er noko som heiter at ein ikkje er sterkare enn ein er fleksibel. Og ein vert ikkje fleksibel utan å utfordre musklane i heile den mekaniske løpebane. Pilates gir auka "range of motion" i ledd, og er spesielt bra for hofter og skuldre. Nakke og skulderproblem heng også ofte saman med hofter, som er på mange måtar kan reknast som kroppens "grunnmur". Dette vart ei lang avhandling; kort oppsummert meinar eg at dersom du har tilgang til dyktig pilatesinstruktør så burde du gå for det, gjerne i kombinasjon med ein mjuk yoga. Dersom du ikkje har det, meinar eg at du kan gjere kva som helst yogaform, men dersom instruktør aldri omtalar ledd, plassering av desse og korleis forebygge skader; spør. Alt for mange yogautøverar og lærarar har dårlege kne. Unødvendig.

Samd i dette. Eg er gla i min XGK, og den vert aldri bytta ut som smeltemonster som går på alt. Men, det er ikkje ein brennar for matlaging. Då ville eg vurdert whisperlite, Dragonfly eller anna brennar med større spredning og/eller flammejustering

Eg har sjølv prøvd K7, og likar godt at den er litt lengde på. Har hatt ei RAB neutrino plus som allround dunjakke i fleire år, som byrjar takke for seg til vinterbruk i høgfjellet i alle fall. Når den skal byttast ut trur eg det vert ei slik k7. Godt at det går litt nedover rompe og hofter i dei kaldaste periodane.

Mi oppleving av 100 l er det er ein volum-sekk framfor ein tung-bør sekk. Eg var ute etter ein sekk som fiksar bører frå 25 kg og opp (sjølv om eg prøvar å unngå dei når eg kan), difor var den uaktuell for meg. Men under 25 kg synes eg den var topp Ikkje minst verka den praktisk!

Samd i at dette verkar som ein god sekk. Eg prøvde 100 l ein gong og synes den var noko av det bedre eg har kjent på. Dog opplevde eg at han "kollapsa" litt når eg fekk i meir enn 25 Kg. Men opp til 25 Kg er det etter mitt omgrep ein av sekkane ein verkeleg bør bvurdere!

Dtte kan nok tenkast å være korrekt. Likevel vil eg tru sjølve fellen er gåen før den tid? Hjå meg varer eit par kortfellar varar meg berre ein sesong uansett, maks to, så dette er forbruksvare (diverre). Det einaste eg tenkjer er ein føremun med Åsnes sine er at vedhøgt forbruk kan ein gjenbruke metalldingsen og lafe fellar sjølv. Om ein er spesielt interessert.

Madshus intelligrip har eg negative erfaringar med, samt andre eg har vore på tur med har hatt negative erfaringar med dei, så desse kjem ikkje i hus. Men eg trivast veldig godt med Åsnes sitt kortfellesystem, så om fischer funkar like bra er det nok eit argument på plussida for Fischer

Har du denne skia? EVt korleis synes du den oppfører seg samanlikna med den gamle e99?

Kva skidugleikar har du? Eg slår eigentleg eit slag for Åsnes Nansen spesifikasjonsmessig, berre synd kvaliteten har vore so som so på dei siste åra. Ei god allroundski som gir dei fleste skiglede og ei kjensle av kontroll på same tid som den gir deg att littegranne på bortoverstrekka. Om turane dine er dominert av flatt terreng kan det være du vil ha ei meir gåretta ski som gir deg meir respons for energi lagt ned. Likevel kjenner eg fleire som har velt denne skia til langsing og tversing av både det eine og det andre på grunn av allsidigheita. Sjølv er eg veldig glad i den, og sjølv om eg no kjøper eit par ski til, vert det som eit tillegg, for i kuppert norsk fjellheim er det lite som slår denne skia si allsidigheit. Flyt godt gjer den og, til tross for at den ikkje er så brei. Truleg på grunn av det moderate langspennet. Eg har brukt mine til alt frå viddekryssingar til skitur på Svalbard og bratte fjellskiturar på Sunnmøre. Personleg likar eg ikkje den lyse solen dei har velt til den nyaste årgangen, men eg lyt vel berre leve med han til dei har teke til vettet att (er på mitt tredje par). Elles er eg nysgjerrig på den nye Fischer E99 som kom i fjor, med kortfellesystem og rocker. Fischer har gjennomgåande ein annan solekvalitet, og dersom kortfellesystemet og løftet i front funkar, er denne seriøst oppe til vurdering.

Hei Har vore ein del tråder på forumet med samme tema, også i det siste. Om du foretek eit søk på Til dømes Hilleberg Keron 4GT vil du nok få opp fleire trådar som behandlar temaet "stort telt til familie" nøye

Mi erfaring er at for mange kvinner ligg comfort temperaturen for pose omlag 8 grader lågare. Nokre gonger meir og nokre gonger mindre, men ser ut som at nokon omkring der kan være fornuftig å rekne. Dog varierar dette noko frå person til person. Eg ligg stort sett på den same temperaturgrense som menn, og kan ofte ta utgangspunkt i t-lim, med unntak av veldig passive periodar i livet då eg truleg har hatt noko mindre muskelmasse.

Eg tenkjer at det kjem an på kva du skal bruke den til og kor tungt du skal bære? Når du kjem opp i 25-30 kg og opp er det mange lette sekkar som kjem til kort, men under 25 kg er det mange alternativ som er lettare og gode. Sjølv kan eg forsvare å ha fleire sekkar, så eg har ein 110 l alpinist som veg 4 kg og 80 l sekk som er lettare. Alpinisten er verdt kvart eit gram når eg skal bære tungt over tid om du berre unntaksvis ber tungt eller går mykje turar med høgdemeter som stiller store krav til vektbevisstheit ville eg kika på andre sekkar

Du er med andre ord uter etter gode firesesongstelt. Telt som toler ein trøkk men som ikkje er så tunge som vinter/ekstremtelt. Då må jo dei allereie nevnte Nallo og Kaitum være gode alternativ? Kanskje kan også eit av av dei meir robuste Exped kuppeltelta i tremanns være aktuelle?

Kjem an på sekken samt kva aktivitet du skal til med. Ein vil gjerne pakke med tyngdepunkt tilpassa aktiviteten ein skal drive med. Dersom eg må ha telt på utsida, ville eg gjerne ha det under botnen på sekken om eg skal på ski i kupert til krevjande terreng. På føtene vil eg helst ha det under topplokket. Under ingen omstendigheiter likar eg å ha det festa bakpå sekken på ein måte som gir drag bakover.